ემილიო ბუტრაგენიო "ესპანიოლის" დამარცხების შემდეგ ჟურნალისტებს შეხვდა და საკუთარი მოსაზრება გამოთქვა...

"კარგი თამაში იყო, გუნდი ინტენსიურად უტევდა და არც შედეგმა დააყოვნა. პირველი გოლი ლამაზი გამოვიდა, მეორე კიდევ უკეთესი, ნაჩოს მიერ შეგდებულმა ბურთმა კი ყველაფერს წერტილი დაუსვა და მორიგი სამი ქულა ჩავიწერეთ აქტივში, რომელიც კლუბს ძალიან სჭირდებოდა ლიდერობის გასამყარებლად."

"გარეთ ბეილმა კარგად ითამაშა და ულამაზესი დარტყმით მოახერხა კიკო კასილიას კარში ბურთის მოთავსება, თუმცა მას არაერთი მომენტი ჰქონდა. დღევანდელ საღამოს რამდენიმე 100%-იანი მომენტი გავანიავეთ."

"კოენტრაუმ ხისტად ითამაშა, მაგრამ ყვითელი ბარათი საკმარისი იქნებოდა. სამწუხაროდ, პორტუგალიელის გარეშე მთელი მეორე ტაიმი ვითამაშეთ, მაგრამ ამას ანგარიშზე არანაირი ზეგავლენა არ მოუხდენია."

"ოქროს ბურთის დაჯილდოვების ცერემონიაზე მადრიდული ხელმძღვანელობა აუცილებლად გაემგზავრება. ჯილდო რონალდუმ დაიმსახურა. დარწმუნებული ვარ რონი რიგით მესამე ოქროს ბურთს მიიღებს."

"სანტიაგო ბერნაბეუ რამდენიმე დღეში ძალიან რთულ დაპირისპირებას უმასპინძლებს. ჩვენი მეტოქე "ატლეტიკო" იქნება. "რეალი" შეუტევეს და თავიდანვე ეცდება გოლის გატანას, ჩვენ 90 წუთი გვაქვს."