მადრიდის "რეალის" მომდევნო მეტოქემ, კატალონიურმა "ესპანიოლმა" სანტიაგო ბერნაბეუზე ბოლოს წარმატებას 18 წლის წინ მიაღწია...

ხვალ, "ბლანკოსი" ლა ლიგის მე-18 ტურს ჩაატარებს, სადაც მეტოქე "ესპანიოლი" იქნება. ანჩელოტის გუნდი შელახული რეპუტაციის გამოსწორებას, სწორედ საშინაო არენაზე შეეცდება. დედაქალაქელები ვალდებულნი არიან მოწინააღმდეგე დაამარცხონ და მორიგი 3 ქულა ჩაიწერონ აქტივში.

1996 წლის პირველ ოქტომბერს, "ბლანკოსმა" კატალონიელები 2-0 დამაარცხა. გოლები შუკერმა და რაულ გონსალესმა გაიტანეს, მას შემდეგ კი ესპანურ გიგანტს 15 მოგება და 3 ფრე აქვს.

ამასთანავე აუცილებლად უნდა აღვნიშნოთ, რომ კარლო ანჩელოტის გუნდი საშინაო არენაზე ბოლო 4 თვის მანძილზე მუდმივად იგებს. დედაქალაქელებმა 9 შეხვედრიდან 27 ქულა მოიპოვეს.

ბოლო 5 მეტოქიდან იკერ კასილასის კარის აღება მხოლოდ ერთმა შეძლო.

"ბლანკოსს" მიმდინარე სეზონში საკუთარ მოედანზე შესანიშნავი სტატისტიკა აქვს.