ესპანელი ექსპერტების აზრით, კარლო ანჩელოტის "ვალენსიასთან" დაშვებული შეცდომები გააანალიზებული აქვს და "ატლეტიკოსთან" იგივეს დაშვებას არ გეგმავს...

აშკარა იყო, რომ ტონი კროოსმა და ფრანცისკო ალარკონმა შუა რგოლი ვერ გაამაგრეს ისე, როგორც საჭირო იყო. ლუკა მოდრიჩის არყოფნა "რეალს" ყველაზე მეტად "მესტალიაზე" შეეტყო.

მოგეხსენებათ, დიეგო სიმეონეს "ატლეტიკო" "ვალენსიაზე" ბევრად უფრო აგრესიული შეტევით გამოირჩევა, თანაც ხვალინდელი პაექრობა "ვისენტე კალდერონზე" შედგება, აქედან გამომდინარე მადრიდის "რეალის" მთავარ მწვრთნელს ცენტრალური რგოლის გაძლიერება მოუწევს.

მადრიდული დერბის პირველ ტურში სასტარტო შემადგენლობის თერთმეტეულში სამი ხედირას ელიან, რომელმაც მიღებული ტრავმისგან ბოლომდე განიკურნა და წუთების მისაღებად მზად არის.

კონტრაქტის პირობებზე მხარეები ჯერ კიდევ არ შეთანხმებულან და თითქმის გადაწყვეტილია, რომ შტუტგარტელი "ბლანკოსს" დატოვებს, მაგრამ ის ყველა ვარჯიშზე ბოლომდე იხარჯება და საკუთარ მოვალეობას პირწმინდად ასრულებს.