კარლო ანჩელოტის გადაწყვეტილებით, გუშინდელი მომქანცველი მატჩის შემდეგ მადრიდის "რეალის" ფეხბურთელებმა არ დაისვენეს და დღეს "ატლეტიკოსთან" მატჩისთვის მზადება დაიწყეს...

ფეხბურთელები, რომლებიც "მესტალიაზე" სასტარტო შემადგენლობაში გამოვიდნენ, აღდგენით პროცესს გადიოდნენ და მაქსიმალურად ცდილობდნენ დახარჯული ენერგიის აღდგენას.

მარსელო ვიეირამ გუშინდელი დაპირისპირებაში ყოველგვარი ხარვეზის გარეშე ითამაშა, დღეს კი 100%-იანი დატვირთვა მიიღო.

ლუკა მოდრიჩი კვლავაც აგრძელებს რეაბილიტაციის კურსს, რომელიც დაახლოებით 1 თვის მანძილზე გაგრძელდება.

ანჩელოტის განკარგულებაში იყო კასტილიელი ალვარო მედრანიც, რომელიც მთავარ გუნდთან ერთად უკვე დიდი ხანია ვარჯიშობს და ბევრ თვისებას იყალიბებს.

მეკარეები განცალკევებით, გოლკიპერთა მწვრთნელთან ერთად ვარჯიშობდნენ.

"მერენგების" მიზანი "ვისენტე კალდერონზე" ღირსეულად ასპარეზობა გახლავთ. მოგეხსენებათ, მადრიდული დერბის პირველი შეხვედრა სწორედ "ატლეტიკოს" საშინაო არენაზე შედგება.