ხამეს როდრიგესი კოლუმბიაში 2014 წლის ყველაზე პოპულარულ ადამიანად დაასახელეს.

კოლუმბიაში ნამდვილი "ხამესმანიაა"... 31 დეკემბერს გამოქვეყნდა ყველაზე პოპულარული სახელების რიცხვი, რომელსაც მშობლები ახალშობილ შვილებს არქმევენ და ეს სახელია ხამესი. კოლუმბიელები როდრიგესის საპატივცემულოდ თავიანთ შვილებს სწორედ ამ სახელს არქმევენ.

ეს ყველაფერი კი იმან გამოიწვია, რომ ბრაზილიაში გამართულ მსოფლიო ჩემპიონატზე ხამეს როდრიგესმა წარმოუდგენლად კარგად ითამაშა, რის შემდეგაც იგი პლანეტის ერთ-ერთ უძლიერეს კლუბში, მადრიდის "რეალში" გადაბარგდა, სადაც უმაღლეს დონეზე ასპარეზობს.

კრიშტიანო რონალდოსა და დევიდ ბექჰემის მსგავსად, ხამეს როდრიგესმა J10 დაირქვა. იგი ხშირად გვევლინებოდა ჟურნალის გარეკანზე და სხვადასხვა რეკლამაში. საბოლოოდ კოლუმბიელებმა წლის ბოლოს ხამესი 2014 წლის ყველაზე ცნობად კოლუმბიელად დაასახელეს.

Marca.com