კრიშტიანო რონალდო მადრიდის "რეალში" ექვსი წლის წინ გადმოვიდა. წელს კი მას შანსი მიეცემა გახდეს სამეფო კლუბის ყველა დროის საუკეთესო ბომბარდირი.

პორტუგალიელი ვარსკვლავის ანგარიშზე ამჟამად 285 გოლია. სამი ბურთის გატანის შემდეგ იგი გადაუსწრებს სანტილიანას და ადგილსდაიკავებს საუკეთესოთა სამეულში. რონალდო ახლოსაა ახალი რეკორდის დამყარებასთან და იგი "ლოს ბლანკოსის" ისტორიაში კიდევ ერთი ცვლილების შესატანად ემზადება.

CR7 მიმდინარე სეზონში საშუალოდ 1.28 გოლის გატანას ახერხებს . 22 ბურთის შეგდების შემდეგ იგი დაეწევა ალფრედო დი სტეფანოს და მის ანგარიშზე 307 ბურთი იქნება. ხოლო შემდეგ რონის წინ მხოლოდ და მხოლოდ რაულ გონსალეს ბლანკო იქნება, რომელმაც თავისი კარიერის განმავლობაში "რეალის" მაისურით 323 გოლის გატანა მოახერხა.

2015 წელს შესაძლოა ისტორია შეიცვალოს და მადრიდული გიგანტის ყველა დროის საუკეთესო გამტანად კრიშტიანო დასახელდეს.

Marca.com