გოდინი:"იანვრის თვე როგორც ჩვენთვის, ასევე "რეალისთვის" რთული იქნება"
დიეგო გოდინმა მადრიდის "რეალზე" და მოახლოვებულ დერბიზე ისაუბრა, რომელიც რამდენიმე დღეში შედგება...
"2015 წლის დაწყება რთულ გარემოებაში გვიწევს. კვირაში 2-3 მატჩის გამართვა არც ისე იოლი საქმეა, ეს ყველაფერი დიდ ფიზიკურ მომზადებას მოითხოვს."
"მადრიდული დერბი ყოველთვის საინტერესოა, განსაკუთრებით ამის თქმა ბოლო დროზე შეიძლება, როდესაც ანგარიშის პროგნოზირება კიდევ უფრო გართულდა."
"სანტიაგო "ბერნაბეუზე" უდავო ფავორიტი "ბლანკოსი" იქნება, "ვისენტე კალდერონზე" კი ამ სტატუსით "ატლეტიკო" ისარგებლებს."
"კარგია, რომ "ლევანტესთან" მატჩი უკვე გავმართეთ და დაგეგმილი 3 ქულა მოვიპოვეთ. საჩემპიონო რბოლას არაფრის დიდებით არ გამოვეთიშებით. ჩვენ კონკურენტებს "ბლანკოსი" და "ბლაუგრანა" წარმოადგენენ, თუმცა "ატლეტიკომ" საკუთარი ძალა არაერთხელ აჩვენა."
"ანჩელოტის გუნდი "ვალენსიასთან" საკმაოდ დიდი მოტივაციით გავა მოედანზე, მათ ქულების დაკარგვის უფლება არ აქვთ, ისინი დიდ ენერგიას დახარჯავენ."
"დერბის პირველ დაპირისპირებას შედარებით დასვენებულ მდგომარეობაში შევხვდებით, რადგან ერთით მეტი დღე გვაქვს მოსამზადებლად."
- 4 იანვარი 2015
- 1 734
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
