„სუონსის“ კოტ-დიუარელი შემტევი ვილფრიდ ბონი სამეფო კლუბის ინტერესთა სფეროში მოექცა.

Daily Mail-ის ცნობით, „რეალის“ ხელმძღვანელობას მექსიკელი შემტევის ხავიერ ერნანდესის გამოსყიდვა აღარ სურს. გამომდინარე აქედან, მადრიდული გრანდი ფორვარდის ძიებაშია, რომელიც კონკურენციას კარიმ ბენზემას გაუწევს. ერთ-ერთი მათგანი „სუონსის“ თავდამსხმელი ვილფრიდ ბონი გახლავთ.

ჯერ-ჯერობით უცნობია, თუ რა თანხის გაღებას აპირებენ ესპანელები კოტ-დიუარელი ფეხბურთელის სანაცვლოდ. „ბლანკოსთან“ ერთად ვილფრიდის გადაბირებას „ლივერპული“, „მანჩესტერ სიტი“ და „ტოტენჰემი“ შეეცდებიან.