იტალიურ პრესაში გავრცელებული ინფორმაციების მიხედვით, დუბაიში გამართული შეხვედრის დროს, როდესაც ერთმანეთს "რეალი" და "მილანი" დაუპირისპირდნენ, "როსონერის" მთავარმა მწვრთნელმა, ფილიპო ინძაგიმ საკუთარი ინტერესის შესახებ კარლო ანჩელოტის უთხრა. საქმე ასიერ ილიარამენდის ეხება, რომელმაც დუბაიში გამართულ პაექრობაში მონაწილეობა მიიღო...

"შავ-წითლების" ახალბედა მთავარ მწვრთნელს ბასკი შუახაზელი ძალიან მოსწონს და მისი არენდით აყვანა სურს. "მილანის" ნახევარდაცვის შუა რგოლში პრობლემები ნამდვილად არ არის, თუმცა ფილიპო თვლის, რომ ილიარა იტალიურ სტილს კარგად აუღებს ალღოს და "როსონერის" ძირითადი შემადგენლობის ფეხბურთელი გახდება.

ჯერ-ჯერობით უცნობია რა უპასუხა კარლო ანჩელოტიმ ყოფილ შეგირდს ესპანელ ნახევარმცველზე.

კარლოს არაერთხელ დაუფიქსირებია, რომ ილირამენდი საკმაოდ მაღალი დონის ფეხბურთელია, რომელიც "ბლანკოსში" აუცილებლად მოიკიდებს ფეხს.

დაველოდოთ მოვლენათა განვითარებას.