ბრიტანული გამოცემი თითქმის ყოველ საათში ახალ-ახალ ინფორმაციას აქვეყნებენ, რომელიც გარეთ ბეილის მანჩესტერ "იუნაიტედში" გადასვლას და ედენ აზარის გამადრიდელებას ეხება, მაგრამ ამასთანავე უნდა აღვნიშნოთ, რომ უელსელმა ფეხბურთელმა წასვლის შესახებ ჭორები უარყო...

Daily Star-ის ინფორმაციით, ფლორენტინო პერესი კიდევ ერთი ხმაურიანი ტრანსფერის გაჩარხვას გეგმავს. ესპანელ პრეზიდენტს ედენ აზარის შეძენა აქვს განზრახული და მზად არის ჯიბე 75 მილიონი ევროთი შეითხელოს.

ბელგიელი შემტევი კარლო ანჩელოტისაც ძალიან მოსწონს, თუმცა დღევანდელი ფორმაციის "რეალში" მისი ადგილი ნამდვილად არ მოიძებნება. სწორედ ამიტომ უკავშირებენ ედენის შეძენა გარეთ ბეილის წასვლას.

ამავე წყაროზე დაყრდნობით მადრიდელები ბეილის გაშვებასთან დაკავშირებით ყველანაირად წინადადებას უარყოფენ, თუმცა 130 მილიონიანი შეთავაზება მათთვის უდიდეს ცდუნებად რჩება.