მადრიდის "რეალის" ვეტერანმა ფეხბურთელმა, მიჩელ სალგადომ სამეფო კლუბის მიმდინარე სეზონი შეაფასა.

"ჩემი აზრით, სამეფო კლუბი წელს ყველა ჩემპიონატს მოიგებს და სეზონს იდეალური მაჩვენებლით დაასრულებს. გუნდს შეუძლია განვითარდეს როგორც ფიზიკურად, ასევე მენტალურადაც."

"დარწმუნებული ვარ მადრიდელები არ გაჩერდებიან და მრავალი გამარჯვებით გააგრძელებენ საფეხბურთო ისტორიის წერას. შარშან "მერენგებმა" გულშემატკივრებს ჩემპიონთა ლიგის მეათე, ნანატრი თასი მოუტანეს, რამაც პირადად მე ძალიან გამახარა."

"კარგად მახსოვს, როდესაც 93-ე წუთზე სერხიო რამოსმა გოლი გაიტანა, მე და რობერტო კარლოსი სუფრასთან ვისხედით და ვვახშმობდით. არასდროს დამავიწყდება და ვერც აღვწერ იმ უდიდეს სიხარულს, რაც მაშინ განვიცადე."

Insidespanishfootball.com