ხავიერ ერნანდესი მადრიდული კარიერის განვითარება დიდი ეჭვის ქვეშ დგას. თითქმის გადაყწვეტილია, რომ მექსიკელი ფორვარდი სეზონის ბოლოს საკუთარ მანჩესტერ "იუნაიტედს" დაუბრუნდება...

თავის მხრივ აღსანიშნავია, რომ ინგლისელებს წინა ხაზში გაძლიერება არაფერში სჭირდებათ, რადგან უმაღლესი კლასის ფეხბურთელებით დაკომპლექტებული გუნდი ჰყავთ. ლუის ვან გაალი ისედაც დიდ საგონებელშია ჩავარდნილი და ხშირად უჭირს არჩევანის გაკეთება. მართლაც რთულია საუკეთესო გადაწყვეტილება მიიღო, როდესაც შეტევით პოტენციალს ანხელ დი მარია, ვან პერსი, ფალკაო და სხვები ამაგრებენ.

Daily Mirror-ის ინფორმაციით მანჩეტერმა ჩიჩას სატრანსფერო უფლებების გამოსყიდვა "რეალს" შესთავაზა, თუმცა კარლო ანჩელოტი მისთვის ადგილს ვერ პოულობს.

ამასთანავე იტალიური საინფორმაციო წყაროების ცნობით, კარლიტომ ერნანდესს სერია "ა"-ში წასვლა ურჩია, ფილიპო ინძაგის პოზიცია კი ჯერ-ჯერობით უცნობია, მაგრამ კულუარებიდან გამოჟონილი ჭორების მიხედვით ხავიერის ხელში ჩაგდება მილანელთათვის ურიგო არ იქნება.

ზემოხსენებულიდან გამომდინარე მადრიდის "რეალში" ჩიჩარიტოს დარჩენა გამორიცხულია, მექსიკელი წინახაზელის თვეები ესპანეთის დედაქალაქში დათვლილი და ზუსტად გამოანგარიშებულია.