მანჩესტერ "იუნაიტედი" და მადრიდის "რეალი" მორიგი გარიგებისთვის ემზადებიან.

ბოლო პერიოდში გასერიოზულდა დე ხეას და გარეთ ბეილის საკითხი. ერთი კვირის წინ ესპანელმა კიპერმა განაცხადა, რომ "წითელ ეშმაკებთან" კონტრაქტის გახანგრძლივებას აპირებს. რაც შეეხება უელსელ ვარსკვლავს, რამდენიმე დღის წინ მადრიდის "რეალის" პრეზიდენტი, ფლორენტინო პერესი სიტყვით გამოვიდა და განაცხადა, რომ ბეილი სამეფო კლუბის ლიდერია და მისი გაყიდვა გამორიცხულია.

Mirror-ი კი რადიკალურად განსხვავებულ სტატიას ავრცელებს. ინფორმაციას თუ დავუჯერებთ, ინგლისელებმა ბეილის შესაძენად 128 მილიონი ევრო გაამზადეს. პერესმა შემოთავაზებას თავისი წინადადება დაუპირისპირა. ფლორენტინო "იუნაიტედის" ხელმძღვანელობას დაპირდა, რომ ბეილს გაცილებით უფრო იაფად გაყიდის, თუ სანაცვლოდ მანჩესტერელები დავიდ დე ხეას შეელევიან.

Bernabeudigital.com