ბუნებრივია, ტიტულების მოგება პირდაპირ კავშირშია ფინანსური სარგებლის მიღებასთან.

ამ მხრივ, მადრიდის „რეალმა“ მეტად ნაყოფიერი წელი ჩაატარა, რამეთუ 4 თასის აღმართვით, კლუბის ბიუჯეტმა 65 მილიონიანი (ევრო) შევსება მიიღო.აქედან, ჩემპიონთა ლიგიდან 57 მლნ. შევიდა „რეალში,“ ესპანეთის სამეფო თასიდან 1 მლნ, ევროპის სუპერთასიდან 3, ხოლო საკლუბო მუნდიალიდან 4 მლნ.

ექსპერტების ინფორმაციით, 2014-15 წლების სეზონის ბოლოს, მადრიდული გრანდის შემოსავლები 603.9 მილიონ ევროს მიაღწევს, რაც 10 პროცენტით მეტია, ვიდრე შარშანდელი.

ნიშანდობლივია, რომ ტიტულების მოგებით მნიშვნელოვნად იხეირეს ფეხბურთელებმაც.პირველი შემადგენლობის თითოეულმა წევრმა, 650 ათასი ევრო მიიღო პრემიის სახით.

MARCA