ალვარო არბელოამ "სან ლორენცოს" დამარცხების შემდეგ საკუთარი აზრი გაგვაცნო. რაც არ უნდა გასაკვირი იყოს, ესპანელმა მოთამაშემ ყურადღება იკერ კასილასზე გაამახვილა. (საყოველთაოდ ცნობილია მათი არც ისე კარგი ურთიერთობის შესახებ).

"წარმატების საიდუმლო შრომაშია. გუნდი ძალიან ბევრს მუშაობს და საკუთარ ძალებში დარწმუნებულია. უდიდეს მადლობას ვუხდით გულშემატკივრებს, მათ დიდი როლი ითამაშეს."

"სერხიო რამოსი არის მცველი, ნახევარმცველი და ფორვარდი, ის ყოველთვის იმ პოზიციაზე იმყოფება, სადაც საჭიროა. ვფიქრობ, სერხიომ სამართლიანად მიიღო საუკეთესო ფეხბურთელის ჯილდო."

"იკერ კასილასმა 700 მატჩიან ნიშნულს მიაღწია. მადრიდის "რეალში" ანალოგიურის განმეორება ყველას გაუჭირდება, ის ჩვეულებრივი ფეხბურთელი არ არის."