"სან ლორენცოსთან" გამარჯვება დანიელ კარვახალისთვის საიუბილეო გამოდგა...

გარდა იმისა, რომ ესპანელმა ფეხბურთელმა მსოფლიო საკლუბო მუნდიალის ოქროს მედალი მიიღო, ასევე 50-ე გამარჯვება მოიპოვა. დანისთვის 2014 წელი ბრწყინვალე იყო, ის კარლო ანჩელოტის ნდობით აღჭურვილი პირი გახდა.

ახალგაზრდა ფეხბურთელს 50 გამარჯვებისთვის მხოლოდ 63 დაპირისპირება დასჭირდა. კარვახალის დებიუტი "ბლანკოსის" მთავარი გუნდის რიგებში 2013 წლის 18 აგვისტოს შედგა.

"კანტერანომ" 34 გამარჯვება პრიმერას ეგიდით გამართულ პაექრობებში ჩაიწერა აქტივში, 9-ჯერ ჩემპიონთა ლიგაზე მოგვევლინა გამარჯვებულად, 4-ჯერ სამეფო თასზე, 2-ჯერ მსოფლიო საკლუბო ჩემპიონატზე და ერთხელ ევროპის სუპერთასზე.

ამასთანავე აუცილებლად უნდა აღვნიშნოთ, რომ მას ხშირად უწევდა სათადარიგოთა სკამზე დაჯდომა, რადგან კონკუნრეტის სახით ალვარო არბელოა ჰყავდა. შარშანდელ სეზონში თამაშების საერთო რაოდენობის ნახევარში სწორედ ალვარო გამოდიოდა მოედანზე, გუნდი კი წარმატებას აღწევდა.

გარანტირებულად სასტარტო შემადგენლობაში თამაშის შემთხვევაში დანი ხსენებულ მაჩვენებელს შარშანვე მიაღწევდა.