"კრუს ასულის" თავკაცის, ლუის ფერნანდო ტენას განცხადებით, მადრიდის "რეალმა" გამარჯვება დაიმსახურა, თუმცა მოედანზე განვითარებული მოვლენების მიხედვით 0-4 გადამეტებული რეზულტატია...

"სამეფო კლუბმა მართლაც დამსახურებულად გაიმარჯვა, რადგან ეს კლუბი დღევანდელ დღეს საუკეთესო ფეხბურთს თამაშობს, მაგრამ ვერ ვიტყვი, რომ 0-4 წაგებას ვიმსახურებდით, მოედანზე აბსოლუტურად განსხვავებული სიტუაცია იყო."

"კარლო ანჩელოტის კოლექტივს პატივს ვცემთ. ჩემი ფეხბურთელებისთვის ესპანელებთან დაპირისპირება დიდი სიხარული და მოტივაცია იყო."

"დედაქალაქელებმა წარმოუდგენელი შედეგი დააფიქსირეს. ზედიზედ 21 მატჩის მოგება ურთულესი საქმეა, მსურს მივულოცო მათ და წინსვლა ვუსურვო."

"გაფუჭებულმა პენალტმა ფსიქოლოგიური თვალსაზრისით უარყოფითად იმქომედა, მაგრამ ნათელი იყო, რომ მატჩი "ბლანკოსის" კარნახით მიმდინარეობდა და წარმატებაც სწორედ მათ დარჩებოდათ."