"სევილიას" მთავარმა მწვრთნელმა, უნაი ემერიმ ლა ლიგის სატურნირო ცხრილზე და გათამაშების ფავორიტზე ისაუბრა.

"მადრიდის "რეალი", კატალონიის "ბარსელონა", მადრიდის "ატლეტიკო"... არ მგონია, ეს გუნდები თანაბარი ძალების იყოს. აქედან გამომდინარე ისინი კონკურენტებიც არ გამოდიან. ჩემი აზრით, "ატლეტიკოს" ჩემი გუნდის, "სევილიას" დონეზე დგას და ბუნებრივია ლიდერობისთვის ბრძოლა ამ შემთხვევაში ურთულესი იქნება."

"ჩვენზე ერთი თავით მაღლა დგას "ბარსელონა". კატალონიელები წელს იმდენად დამაჯერებლად ვერ გამოიყურებიან, როგორც შარშან, თუმცა "ბარსას" შესაძლებლობები უსაზღვროა და ისინი ყოველთვის პირველი ადგილისთვის იბრძვიან."

"და ბოლოს რაღა თქმა უნდა, მადრიდის "რეალი". "თეთრებს" გასაოცარი სეზონი აქვთ. მათ მოგებული თამაშების რეკორდული რაოდენობა დაუგროვდათ. ვფიქრობ, წლევანდელი პრიმერა დივიზიონის ერთ-ერთი გამოკვეთილი ფავორიტი სწორედ სამეფო კლუბია, თუმცა ეს იმას არ ნიშნავს, რომ დანარჩენი გუნდები დავნებდებით."

Bernabedugitial.com