31 წლის პორტუგალიელი მცველი საკმაოდ მაღალ დონეზე ასპარეზობს მიმდინარე სეზონში.

პრიმერა დივიზიონის მე-15 ტურის თავზე, პეპე ერთადერთი სასტარტო შემადგენლობის მცველია, რომელსაც ყვითელი ბარათი არ მიუღია.მან მხოლოდ 5-ჯერ დაარღვია თამაშის წესი, ხოლო დანარჩენ შემთხვევებში, უნაკლოდ გაისარჯა მეტოქე თავდამსხმელებთან მიმართებაში, რასაც ვერ ვიტყვით სერხიო რამოსზე.ამ უკანასკნელმა 20-ით მეტი ჯარიმა „აიკიდა“ და უკვე 5 გაფრთხილების მიღებაც მოასწრო.

მიუხედავად ასაკისა, „რეალის“ „სამიანი“ ჩინებულ ფიზიკურ კონდიციებშია, ორთაბრძოლებს არ ერიდება და უმეტესად, გამარჯვებულიც გამოდის.თამამად შეიძლება ითქვას, რომ დაცვითი ხაზის ნამდვილი ბურჯია.

პორტუგალიელთან მიახლოვებული შედეგით, შემდეგი ლა ლიგის შემდეგი მცველები იწონებენ თავს: მაშერანო (8 ჯარიმა, 1 ყვითელი და 1 წითელი), პიკე (7 ჯარიმა და 4 ყვითელი), გოდინი (8 ჯარიმა და 4 ყვითელი) და მირანდა (7 ჯარიმა და 4 ყვითელი).

MARCA