"ალმერიასთან" გამარჯვებით, კარლო ანჩელოტის გუნდმა ზედიზედ 20 მატჩიანი გამარჯვებათა სერია "გამოაცხო"...

ამჟამად ფეხბურთელების მიზანი "მაროკოში" წარმატების მიღწევაა. იმ შემთხვევაში თუ მომდევნო ორი დაპირისპირება "ბლანკოსის" სასარგებლოდ დასრულდება, კარლოს შეგირდები მსოფლიო საკლუბო ჩემპიონატის ოქროს მედლებს მოიპოვებენ.

წარმატებული სვლა ჩემპიონთა ლიგის ჯგუფური ეტაპის პირველ ტურში დაიწყო, სადაც მადრიდულმა გიგანტმა ესპანეთის ლა ლიგაში განცდილი ფიასკოს შემდეგ შვეიცარიული "ბაზელი" მიიღო და გამანადგურებელი ანგარიშით, 5-1 დაამარცხა. მას შემდეგ გუნდმა 12 დაპირისპირება ლა ლიგაში მოიგო, 5 ჩემპიონთა ლიგაში და ორიც Copa Del rey-ს ეგიდით გამართულ შერკინებებში.

გუნდის სტატისტიკა შესანიშნავია. 20 პაექრობაში ანჩელოტის შეგირდებმა 74 გოლს მოუყარეს თავი. (თითქმის 4 გოლი თითო მატჩში) და საკუთარ კარში მხოლოდ 10 მიიღეს.