გუშინდელი დაპირისპირება გარეთ ბეილისთვის მნიშვნელოვანი იყო. უელსელმა ფეხბურთელმა "ბლანკოსის" გერბის ქვეშ 50-ე გამარჯვება მოიპოვა და გუნდის წარმატებაში საკუთარი გოლით წვლილის შეტანა შეძლო...

გარეთს 50 მოგებისვის 63 პაექრობა დასჭირდება. მისი დებიუტი 2013 წლის 14 სექტემბერს, "ელ მადრიგალზე", "ვილიარეალის" წინააღმდეგ შედგა, სადაც უელსელმა მეტოქის კარის აღებაც მოახერხა, თუმცა დაპირისპირება 2-2 დასრულდა და სამეფო კლუბი მხოლოდ 1 ქულას დასჯერდა.

მას შემდეგ, ბეილმა ლა ლიგაში 29 მატჩი მოიგო და 22 გოლის გატანა მოახერხა, ჩემპიონთა ლიგაში მისი მონაგარი 15 გამარჯვებას უტოლდება გოლების მხრივ კი 8 ბურთით იწონებს თავს. უელსელმა ასევე 5 შერკინება მოიგო სამეფო თასზე და ერთი გოლი ჩაიწერა აქტივში. ალბათ ყველა მადრიდისტას ახსოვს "ბლაუგრანას" წინააღმდეგ სამეფო თასის ფინალში შესრულებული ბრწყინვალე რეიდი და პინტოს კარში გატანილი გოლი.

გარეთმა ასევე მონაწილეობა მიიღო სუპერთასის ერთ მატჩშიც, სადაც მას მეტოქის კარი არ აუღია.