ხოსეპ პედრეროლის განცხადებით, პრესაში არაერთი ინფორმაცია ვრცელდება კრამერსა და ლუკას სილვასთან დაკავშირებით, თუმცა მადრიდელი პრეზიდენტი, ფლორენტინო პერესი იანვრამდე არაფერს მოიმოქმედებს, რადგან ჯერ-ჯერობით უცნობია თუ რამდენი ხნის მანძილზე ვერ ითამაშებენ დაშავებული ფეხბურთელები...

"ხამეს როდრიგესი ტრავმის მოშუშება ბევრ რამეს განაპირობებს. დარწმუნებული ვარ, მედიკოსები ყველაფერს აკეთებენ კოლუმბიელი ფეხბურთელის დროულად გამოსაჯანმრთელებლად, თუმცა რეაბილიტაციას ყველა ვარიანტში დასჭირდება დრო."

"სამი ხედირას მომავალი ბუნდოვანია, ამას ემატება ის პატარ-პატარა დაზიანებები, რომელიც გერმანელს აღარ ასვენებს."

"ლუკა მოდრიჩის ტრავმამ "ბლანკოსს" დიდი პრობლემები შეუქმნა, თუმცა თუკი ის დროზე ადრე დაბრუნდება, შესაძლოა ზაფხულამდე არცერთი ტრანსფერი არ გაიჩარხოს."

"როგორც კრამერი, ასევე ლუკას სილვა პერსპექტივით სავსე მოთამაშენი არიან, თუმცა მათ ადაპტირებას დრო დასჭირდება, რაც შუა სეზონში ძალიან გაჭირდება."