მოგეხსენებათ, მადრიდის "რეალის" თავკაცს, კარლო ანჩელოტის ძალიან მოსწონს კრისტოფერ კრამერი, რომელიც გერმანიის ეროვნულ ნაკრებში და ბუნდესლიგაში დამაჯერებელი თამაშით გამოირჩა...

2-3 კვირის წინ ვრცელდებოდა ინფორმაციები იმის შესახებ, რომ ფლორენტინო პერესი გერმანელებს უკვე დაუკავშირდა და მოლაპარაკებების წამოწყება სთხოვა, თუმცა შეთანხმება დროებით ჩიხში შევიდა.

ახლად აღმოჩენილი გარემოებების მიხედვით, ტრანსფერზე შეთანხმება იმიტომ ვერ შედგება, რომ გერმანელებს 10 მილიონი ევრო ეცოტავათ. დღეს კი ვრცელდება ინფორმაციები, რომელიც "რეალის" რადიკალურ პოზიციას ასახავს - "სამეფო კლუბი კრამერში ხსენებულ თანხაზე მეტს არ გადაიხდის".

აქვე გასათვალისწინებელია თავად ფეხბურთელის პოზიცია, რომელიც ჯერ-ჯერობით არ ჟღერდება, თუმცა "ბლანკოსის" გამოწვევაზე უარის თქმა არც ისე იოლი საქმეა.