სამეფო კლუბის ამჟამინდელი მესაჭე ფლორენტინო პერესი, ნამდვილად ვერ დაიტრაბახებს იანვარში განხორციელებული ტრანსფერებით.

დიდი ალბათობით, ბრაზილიელი ლუკას სილვა გახდება მეექვსე ფეხბურთელი, რომელსაც დონ ფლორენტინო ზამთრის სატრანსფერო ფანჯარაზე შეიძენს და იმედია, ის მაინც შეცვლის ტრადიციას.

პერესის პირველი „მარგალიტი“ საშობაო ტრანსფერის ფარგლებში, ტომას გრავესენი აღმოჩნდა.ეს უკანასკნელი 2004 წელს გადაბარგდა დედაქალაქურ გრანდში და იმდენად უსახური დონე აჩვენა, რომ წელიწადნახევარში მოუწია გუდანაბადის წაღება.

აქედან ერთ წელში, დანიელი შუახაზელის ბედი გაიზარეს სისინიომ და კასანომ, ხოლო 2011 წელს ადებაიორმა.

ალბათ, მეტ-ნაკლებად ყველაზე წარმატებული ტრანსფერის გმირი, დიეგო ლოპესია.ის 2013 წლის ზამთარში დაბრუნდა მშობლიურ გუნდში კასილიასის შესაცვლელად.ეჭვგარეშეა, რომ გალისიელმა უფრო დიდი კვალი დატოვა „რეალში,“ ვიდრე ზ/ჩამოთვლილმა 5-მა მოთამაშემ ერთად.

MARCA