მადრიდის "რეალის" აკადემიის აღზრდილმა, ალვარო მორატამ ჩემპიონთა ლიგის მატჩამდე კომენტარი გააკეთა. მოგეხსენებათ, დღეს "იუვენტუსი" მადრიდის "ატლეტიკოს" დაუპირისპირდება. "ბებერი ქალბატონის" სასტარტო შემადგენლობაში ელიან მორატას.

"მადრიდის "ატლეტიკოს" წინააღმდეგ მატჩი ძალიან მნიშვნელოვანი იქნება ჩვენთვის, ვეცდებით "იუვენტუსის" სახელი ევროპაში უფრო პოპულარული და ცნობილი გავხადოთ. განსაკუთრებით სახიფათო იქნება კოკე, რომელმაც ბოლო წლებში გასაოცარი პროგრესი განიცადა და საბოლოოდ ესპანეთის ნაკრებშიც აღმოჩნდა."

"ატლეტიკოს ტაქტიკის მხრივ უამრავი ვარიანტი აქვს, თუმცა იტალიაში გასაოცარი განწყობით ვხვდებით მოწინააღმდეგეს და ამ მხრივ უპირატესობა ჩვენს მხარეს არის."

"ჩემი აზრით, იკერ კასილასი და სერხიო რამოსი ოქროს ბურთზე ნომინირებულნი უნდა ყოფილიყვნენ, რადგან მათ შარშან დიდებული სეზონი ჩაატარეს. თუმცა არამგონია რამოსს ან კასილასს კრიშტიანოსთვის კონკურენცია გაეწია."

Bernabeudigital.com