მადრიდის "რეალის" შემტევისთვის "სელტას" კარში გატანილი სამი უპასუხო გოლი იმის მანიშნებელი იყო, რომ ის ყველა დროის საუკეთესო მოთამაშე გახდა ჰეთ-თრიკის შესრულების მხრივ, მან გაასწრო ისეთ დიდებუ ფეხბურთელებს, როგორებიც დი სტეფანო, ზარა, მესი და სხვები არიან...

თუმცა ეს ყველაფერი არ არის. აუცილებლად აღსანიშნავია მისი გოლების ინტენსივობა, რომელიც ნებისმიერს აღფრთოვანებაში მოიყვანს.

პორტუგალიელმა ლა ლიგის მიმდინარე გათამაშებაში მოედანზე 1159 წუთი დაჰყო და 23 ბურთი მიითვალა, რაც იმას ნიშნავს, რომ ის ყოველ 50 წუთში ერთხელ ახერხებს მეტოქის კარის აღებას. მსგავსი სახის შედეგი მსოფლიოს ისტორიაში იშვიათია.

გარდა ამისა რონი საკმაოდ ნაყოფიერია საგოლე გადაცემებშიც, მან უკვე 8 შედეგიანი პასი შესძინა საკუთარ აქტივს.