„სელტას“ დამარცხებით მორიგი 3 ქულის მოპოვების შემდეგ, სამეფო კლუბის ფეხბურთელებმა ჩემპიონთა ლიგაზე დაიწყეს ფიქრი.კარლო ანჩელოტის თაოსნობით, „თეთრებმა“ აღდგენითი ვარჯიში ჩაატარეს „ვალდებებასზე.“

განვლილ პაექრობაში სასტარტო შემადგენლობაში მოასპარეზე ფეხბურთელებi და სემი ხედირა, სატრენაჟორო დარბაზში გაისარჯნენ, ხოლო კასილიასმა, ნავასმა, პაჩეკომ, არბელოა, ვარანმა, ნაჩომ, კოენტრაუმ, ისკომ, ხესემ და ჩიჩარიტომ სრული ინტენსივობით ივარჯიშეს.

ლუკა მოდრიჩი სარეაბლიტაციო კურსს განაგრძობს, ხოლო ხამეს როდრიგესს ტრავმის გამო უქმობა უწევს.ამ უკანასკნელს ხვალ ჩაუtარებენ შესაბამის სამედიცინო გამოკვლევას.

მოსალოდნელია, რომ „ლუდოგორეცთან“ გადახალისებულ შემადგენლობას გამოიყვანს იტალიელი მწვრთნელი.

AS