"რეალი" 90 მილიონს ამზადებს?
ბრიტანულ პრესაზე დაყრდნობით, ფლორენტინო პერესი კიდევ ერთი მეგა ტრანსფერის გასაჩარხად ემზადება...
სამიზნე ლონდონის "ჩელსის" ბელგიელი შემტევი, ედენ აზარი გახლავთ, რომელმაც წინა სეზონში ბრწყინვალედ ითამაშა და ანალოგიურ შთაბეჭდილებას ტოვებს მიმდინარე წელსაც.
Daily Express-ის ინფორმაციით ფლორენტინო პერესს ბელგიელი ძალიან მოსწონს და ინგლისელებთან მოლაპარაკებების გამართვას გეგმავს. ამასთანავე ვრცელდება ინფორმაციები იმის შესახებ, რომ მოთამაშის გადაბირება ფრანგულ პარისენჟერმენსაც სურს. დედაქალაქელებმა "არისტოკრატებს" გასული ზაფხულის სატრანსფერო ფანჯრის დროს 90 მილიონი ევრო შესთავაზეს, თუმცა უარი მიიღეს.
"მერენგების" პრეზიდენტი ზუსტად იგივე თანხის შეთავაზებას აპირებს რომან აბრამოვიჩისთვის. აზარი კი დიდი დილემის წინაშე დადგება, რადგან "პსჟ" და "რეალი" დონით აშკარად განსხხვავდებიან.
ბელგიელი ფეხბურთელის პოზიციაზე ბევრი რამ იქნება დამოკიდებული, თუმცა ყველაზე მთავარი ჟოზე მოურინიოს დაყოლიება გახლავთ, რომელიც მოთამაშეს დიდ პატივს სცემს და აფასებს.
- 5 დეკემბერი 2014
- 3 568
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
