"რეალ სარაგოსას" სურს, სამეფო გუნდის გერმანელი მცველის, კრისტოფ მეტცელდერის, გადაბირება.არაგონული გუნდის სპორტული დირექტორის განცხადებით, ისინი შეეცდებიან ყველაფერი გააკეთონ კრისტოფის საკუთარ გუნდში გადასაყვანად.

"ვგონებ, მეტცე ჩვენს გუნდს კარგად მოერგება.ის მაღალი კლასის ფეხბურთელია და საგრძნობლად გააძლიერებს შემადგენლობას.მინდა აღვნიშნო, რომ ჩვენ ძალზედ მწირი თანხა გაგვაჩნია ტრანსფერის განსახორციელებლად, თუმცა შობა გვიახლოვდება და შესაძლებელია გაგვიმართლოს" - განაცხადა "სარაგოსას" სპორტულმა დირექტორმა, ხერარდ პოშნერმა.

არაგონელებს ეიმედებათ, რომ თავად ფეხბურთელიც მოინდომებს გუნდის დატოვებას, რამეთუ პელეგრინის ეპოქაში ის ფაქტიურად უთამაშებელია, თუმცა პეპეს ექვსთვიანმა "ლიკვიდაციამ" შესაძლოა ტრანსფერის გაჩარხვის შესაძლებლობები კრახით დაასრულოს.