როგორც მოგეხსენებათ, კვირას მადრიდის "რეალსა" და "ბარსელონას" შორის საკალათბურთო "ელ კლასიკო" შედგება.ხსენებულ მატჩს დამატებით ინტერესეს ისიც სძენს, რომ კატალონიური გუნდი მხოლოდ 1 ქულით უსწრებს მდევარ "ბლანკოსს" სატურნირო ცხრილში."თეთრების" ერთ-ერთმა წამყვანმა მოთამაშემ, ლუის ბულოკმა, 27 დეკემბერს გასამართ "კლასიკოზე" ისაუბრა.

"ქომაგები აღნიშნულ შერკინებას მოუთმენლად მოელიან.მათ თავიანთ კალენდრებში ყოველთვის გამუქებული აქვთ ის დღე, როდესაც უნდა შედგეს ეს დიდი ჯახი."ელ კლასიკო" ისეთი მოვლენაა, სადაც ნებისმიერ კალათბურთელს სურს თავის გამოჩენა.ვგონებ, აღნიშნული თამაში უდიდესი მნიშვნელობისაა არა მხოლოდ საკალათბურთო ესპანეთისთვის, არამედ მსოფლიო კალათბურთისთვის."

"ჩემთვის წარმოუდგენელია კლასიკო ხუან კარლოს ნავაროს გარეშე.ის წლების განმავლობაში გუნდის უდავო ლიდერი იყო და მისო ყოფნა მოედანზე ყოველთვის დამატებითი ძალა იყო გუნდისათვის."

"ჯანლუკა ბასილე თავის პოზიციაზე უდავო ფავორიტია.ვგონებ, ის უდიდესი კალათბურთელია."