სოუზა:"ვამაყობ ჩემი ფეხბურთელებით, მათ დიდი წინააღმდეგობა გაწიეს"
პაულო სოუზამ, მადრიდის "რეალთან" მარცხის შემდეგ პრეს-კონფერენცია გამართა და მატჩის პერიპეტიები გააანალიზა...
"ამაყი ვარ ჩემი გუნდის თამაშით, ჩვენ ყველაფერი გავაკეთეთ ანგარიშის გასათანაბრებლად, მაგრამ იღბალმა გვიმტყუვნა. მოედნზე შეკრებილ გულშემატკივრებს დიდ მადლობას ვუხდი, რადგან მათ საოცარი ატმოსფერო შექმნეს, განწყობა ფეხბურთელებზეც გადავიდა, რომლებმაც ბოლომდე იბრძოლეს, მაგრამ დასანანი მარცხი განიცადეს. ხსენებულ პაექრობაში ნამდვილად მეტი დავიმსახურეთ, იმედგაცრუებული ვარ."
"ნამდვილად არ მიჭირს იმის თქმა, რომ კარლო ანჩელოტის დღევანდელ დღეს მსოფლიოს საუკეთესო გუნდი ჰყავს. ისინი ყველა რგოლში უდიდეს ძალას წარმოადგენენ. მიუხედავად იმისა, რომ "რეალმა" როტაციას მიმართა და სახეცვლილი გამოვიდა, მათი თამაში მოწოდების სიმაღლეზე იდგა. ჩვენ გარკვეულ ეპიზოდებში ინტენსიობა დავკარგეთ, რამაც უარყოფითი შედეგი გამოიღო."
"კარლო ანჩელოტი სიტუაციას ყოველთვის სწორად აღიქვამს, მისი პროგნოზები ჯგუფურ ეტაპთან დაკავშირებით ყურადსაღებია."
- 27 ნოემბერი 2014
- 1 527
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
