მიუხედავად იმისა, რომ ფრანგი ფორვარდი, კარიმ ბენზემა წლეულს საკმაოდ სოლიდურად გამოიყურება, ლა ლიგის ეგიდით გამართულ მატჩებში მხოლოდ 7 გოლს მოითვლის. რადიკალურად განსხვავებულ სიტუაციას ვხვდებით ევროპის ყველაზე პრესტიჟულ ტურნირზე...

აღსანიშნავია, რომ "ცხრიანს" წელს 12-იდან 10 მატჩში აქვს მონაწილეობა მიღებული, მის ანგარიშზე 802 წუთი და 7 გოლი გახლავთ. რაც არ უნდა გასაკვირი იყოს კარიმი მხოლოდ 112 წუთში ერთხელ ლაშქრავს მეტოქის კარს, რაც გაცილებით ჩამოუვარდება კრიშტიანო რონალდუს მაჩვენებელს.

ბომბარდირთა დავაში ბენზემა ერთ-ერთ მოწინავე პოზიციაზეა, თუმცა საკმაოდ სერიოზული კონკურენტები ჰყავს.

გატანილი გოლების გარდა აუცილებლად უნდა აღინიშნოს საგოლე გადაცემები. მიმდინარე ლა ლიგაში ბენზემა 5 "ასისტს" მოითვლის.

რადიკალურად განსხვავებული სიტუაციაა ჩემპიონთა ლიგაში, სადაც კარიმმა უკვე 5-ჯერ შეძლო მეტოქის კარის დარაჯის დამწუხრება და სტატისტიკის მიხედვით ყოველ 56 წუთში ერთხელ ახერხებს გოლის გატანას. შემტევმა 4 მატჩში 282 წუთი დაჰყო მოედანზე. საგოლე გადაცემების თვალსაზრისით კარიმი ევროპის ყველაზე პრესტიჟულ ტურნირზე მოიკოჭლებს, მას ამ გრაფაში 0 უწერია.