ბუიო:"კრიშტიანო უკონკურენტოა, ჩაბის თავისი აზრი აქვს"
ლეგენდარული პაკო ბუიოს განცხადებით, ოქროს ბურთისთვის ბრძოლაში კრიშტიანო რონალდუ უკონკურენტოა...
"წლევანდელი სეზონი ყველაზე ნაყოფიერი კრიშტიანო რონალდუსთვის იყო, რომელმაც არეართი გოლი გაიტანა და სამეფო კლუბს წარმატების მიღწევაში დაეხმარა. ჩემპიონთა ლიგა "ბლანკოსისთვის" საოცნებო იყო, სხვა მოთამაშეებთან ერთად, რონიმ ყველაფერი გააკეთა ოქროს მედლებისთვის, ის ერთ-ერთი გამორჩეული ფიგურა იყო."
"მანუელ ნოიერი დიდებული კიპერია და მან ნამდვილად დაიმსახურა საუკეთესო კარის დარაჯის ტიტული. იმედი მაქვს, ჯილდოს სწორედ გერმანელს გადასცემენ."
"ჩაბი ალონსო მადრიდის "რეალში" ერთ-ერთი წამყვანი ფიგურა იყო. მას მოუწია ისეთ დიდ მეკარეებთან ერთად ასპარეზობა, როგორებიც დიეგო ლოპესი და იკერ კასილასი არიან. ასევე არ უნდა დაგვავიწყდეს "ლივერპულში" გატარებული დრო, სადაც რეინა შესანიშნავ ფორმაში იყო. ახლა ჩაბი "ბაიერნის" ღირსებას იცავს და თუ თვლის, რომ ნოიერი ოქროს ბურთს იმსახურებს, მის აზრს პატივი უნდა ვცეთ."
"არასდროს დამენანება საქებარი სიტყვები კარლო ანჩელოტის მისამართით, რომელმაც მადრიდულ გუნდში ნამდვილი რევოლუცია მოახდინა. ჟოზე მოურინიომ ნამდვილად დიდი სამუშაო გასწია, თუმცა მაინც ვერ მოახერხა იმ მიზნის მიღწევა, რომელიც მას დაუსახეს. იტალიელმა კლუბში გამარჯვებულის მენტალიტეტი ჩამოაყალიბა. კარლო დიდებული სპეციალისტია, რომელიც კიდევ არაერთ წარმატებას მოუტანს დედაქალაქურ კლუბს."
- 25 ნოემბერი 2014
- 2 485
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
