Cope-ს ექსპერტის, მანოლო ლამას განცხადებით, მადრიდის "რეალში" სამი ხედირას ძალიან ცუდად ექცევიან. ის უმაღლესი კლასის პროფესიონალია და სამეფო კლუბი უყვარს, მსგავსი სახის სიტუაცია კი აღმაშფოთებელია...

"ვერ გამიგია რატომ ხდება ასეთი რამ სამეფო კლუბში, სადაც ერთგულ მოთამაშეებს იშვიათად წირავენ. ხედირა უმაღლესი კლასის ნახევარმცველია, რომელიც უკვე რამდენიმე წელიწადია ესპანეთის დედაქალაქში სტაბილურად ასპარეზობს. იყო დრო, როდესაც ჩაბი ალონსოსთან ერთად ევროპის ერთ-ერთ საუკეთესო დუეტს ქმნიდა ნახევარდაცვაში."

"ფლორენტინო პერესმა გერმანელი ფეხბურთელით ვაჭრობა დაიწყო, რაც ყოვლად დაუშვებელია. ჩვენ საქმე გვაქვს უმაღლესი დონისა და კვალიფიკაციის მოთამაშესთან და არა რიგით შეგირდთან, რომლის მომავალი აბსოლუტურად არავის ანაღვლებს."