მიუხედავად იმისა, რომ ფრანცისკო ალარკონი სეზონის სტარტზე ძირითადი შემადგენლობის წევრად არ განიხილებოდა და მე-12 ფეხბურთელის სტატუსი მიიყო, მოვლენები აბსოლუტურად სხვაგვარად განვითარდა...

საქმე იმაშია, რომ ახალგაზრდა ესპანელმა ლა ლიგის 12 ტურის ყველა მატჩში მოახერხა მონაწილეობის მიღება. მართალია რამდენიმე შეხვედრაში სათადარიგოთა სკამზე მოგვევლინა, თუმცა მეორე ნახევარში კარლო ანჩელოტის ნდობა მიიღო.

ალარკონის მონაგარი წლევანდელ ლა ლიგაში 621 წუთია, თუმცა როგორც ზემოთ აღვნიშნეთ, მან თორმეტივე შერკინებაში მიიღო მონაწილეობა. ისკომ მეტოქის კარის აღება მხოლოდ ერთხელ მოახერხა, თუმცა უნდა აღვნიშნოთ საგოლე გადაცემების მაჩვენებელი, ამ გრაფაში ახალგაზრდა, პერსპექტიულ ნახევარმცველს 5 უწერია.

ორიდე სიტყვით შეგვიძლია უეფას ჩემპიონთა ლიგასაც შევეხოთ, სადაც ალარკონმა 4-იდან სამ პაექრობაში მიიღო მონაწილეობა. სამწუხაროდ, მას მეტოქის კიპერი არ შეუწუხებია. ევროპის ყველაზე პრესტიჟულ ტურნირზე ალარკონმა 256 წუთი დაჰყო მოედანზე.