მადრიდის "რეალის" ფეხბურთელები ჩემპიონთა ლიგაზე გადაერთვნენ. კარლო ანჩელოტიმ დღეს კიდევ ერთხელ შეკრიბა კოლექტივი და მორიგი სამწვრთნელო სესია გამართა...

ყველაზე დიდი სიახლე, ბასკი ფეხბურთელის, ასიერ ილიარამენდის დაბრუნება გახლავთ, რომელმაც თანაგუნდელებთან ერთად სრული დატვირთვა მიიღო და შვეიცარიაში ვიზიტისთვის მზად არის.

მზადებისას დიდი აქცენტი ბურთის ფლობაზე გაკეთდა, ფეხბურთელებმა სხვადასხვა სამუშაო შეასრულეს. სამი ხედირა და კეპლერ პეპე დახურულ კარს მიღმა მუშაობდნენ.

რაც შეეხება ლუკას მოდრიჩს, ხორვატი ფეხბურთელის აღდგენითი პროცესი უკვე დაწყებულია. ნახევარმცველი ამ წელს ვეღარ ითამაშებს.