უახლოეს დღეებში, ანჩელოტის აგენტი და სამეფო კლუბის წარმომადგენელი პირველ შეხვედრას გამართავენ, იტალიელისათვის კონტრაქტის გახანგრძლივებასთან დაკავშრებით.

ბუნებრივია, დედაქალაქურ კლუბში კმაყოფილნი არიან „პაპა კარლოს“ მიერ გაწეული სამუშაოთი და „რეალის“ წარმატების ერთ-ერთ მთავარ საწინდრად მიიჩნევენ.ადრე გავრცელებული ინფორმაციით, ახალი ხელშეკრულების გაფორმება მომდევნო წლის იანავრში უნდა მომხდარიყო, თუმცა როგორც ირკვევა, მადრიდელებმა 2014-ის მიწურულს დაგეგმეს ხელმოწერის ცერემონია.

აღსანიშნავია, რომ პირველმა, სწორედ კარლიტომ გამოთქვა სურვილი კონტრაქტის გახანგრძლივების თაობაზე: „არ არსებობს ამაზე უკეთესი სამუშაო ადგილი.“

ამრიგად, ახალი შეთანხმების თანახმად, „პსჟ“-ს, „ჩელსისა“ და „მილანის“ ყოფილი ბოსი, 2017 წლის ზაფხულამდე დარჩება „რეალის“ რიგებში.

MARCA