დღევანდელი დაპირისპირება, რომელიც სამეფო კლუბმა "ეიბარის" წინააღმდეგ გამართა, კარლო ანჩელოტისთვის ლა ლიგაში 50-ე იყო...

იტალიელ სპეციალისტს აქამდე 49 პაექრობაში ჰყავდა გუნდი გაყვანილი მოედანზე და "რეალს" აქტივში 146 გოლი ეწერა, ამ წუთის მონაცემებით კი "ბლანკოსმა" 50 მატჩში 150 გოლი ჩაიწერა აქტივში, რაც თითოეულ შერკინებაში 3 გოლს ითვლის. ეს არის შესანიშნავი მაჩვენებელი, რომელსაც ნებისმიერი მწვრთნელი ინატრებდა.

50 მატჩი, 37 გამარჯვება, 6 ფრე და 7 მარცხი - სწორედ ეს არის იტალიელი გენიოსის მონაგარი.

აღსანიშნავია, რომ დღევანდელ 0:4-ს ბევრი მადრიდისტა ნატრულობდა, რადგან საიბილეო 50-ე ტრიუმფით დასრულებულიყო. მისია შესრულებულია, დედაქალაქელებმა ბრწყინვალე თამაშით მეტოქეს შანსი არ დაუტოვეს.