ლუკა მოდრიჩის უდროო ტრავმამ კარლო ანჩელოტის პრობლემები გაუჩინა.

იტალიელი სპეციალისტისთვის ხორვატი ნახევარმცველი შეუცვლელი იყო და მასზე დიდ იმედებს ამყარებდა. სამწუხაროდ სპორტში ხშირია ტრავმები, რომლის მსხვერპლიც საფეხბურთო ისტორიის განმავლობაში უამრავი ვარსკვლავი გამხდარა. ასე მოხდა მოდრიჩის შემთხვევაშიც, სანაკრებო ბატალიების დროს მან უმძიმესი დაზიანება მიიღო და რამდენიმე თვით ჩამოშორდა გუნდს.

კლუბში დადგა საკითხი, თუ ვის უნდა ეთავა ლუკას პასუხისმგებლობა. ანჩელოტის გადაწყვეტილებით, მოდრიჩის ადგილს ძირითად შემადგენლობაში ისკო დაიკავებს, რომელმაც მიმდინარე სეზონში წარმოუდგენელი პროგრესი განიცადა. ბეილის არყოფნაში ახალგაზრდა ესპანელმა ფეხი მოიკიდა სასტარტო შემადგენლობაში. ახლა როდესაც უელსელი ვარსკვლავი გამოჯანმრთელდა ისკო იძულებულია შეტევის წინა ხაზი დაუთმოს მადრიდელთა 11 ნომერს, ხოლო თვითონ ნახევარდაცვის ცენტრში გადაინაცვლოს, იქ, სადაც ლუკა მოდრიჩი ამყარებდა პოზიციებს.

Defensacentral.com