ბრიტანული გამოცემების ინფორმაციით ლონდონის "არსენალი" და "ლივერპული" ასიერ ილიარამენდის თამააშის ხარისხს აკვირდებიან...

Daily Star გვატყობინებს, რომ ბასკი ნახევარმცველი მადრიდული მომავალი ნამდვილად ბურუსით არის მოცული, რადგან მას კარლო ანჩელოტი მხოლოდ უკიდურეს შემთხვევაში იყენებს, დანარჩენ წუთებს კი სათადარიგოთა სკამზე ატარებინებს, რაც ახალგაზრდა მოთმაშისთვის დამღუპველი გახლავთ.

ანჩელოტის გუნდში მოსვლის შემდეგ ილიარამენდი კლუბმა 36 მილიონ ევროდ შეიძინა, რადგან იტალიელი სპეციალისტი "სოსიედადის" ნახევარმცველში ჩაბი ალონსოს მანერებს ხედავდა და მის სრულფასოვნად შემცვლელად ასახელებდა, თუმცა ვხედავთ, რომ ალონსო უკვე რამდენიმე თვეა "ბაიერნის" ღირსებას იცავს, ილიარა კი კვლავაც მყარად ზის სათადარიგოთა სკამზე.

ჯერ-ჯერობით შეთავაზება არ გაკეთებულა, თუმცა ფლორენტინო პერესი "ჩალის ფასში" ახალგაზრდა ნახევარმცველს არ შეელევა. თავის მხრივ, არც ინგლისელები აპირებენ მოთამაშეში 30 მილიონზე მეტის გადახდას, აქედან გამომდინარე დაველოდოთ მოვლენათა განვითარებას.