მადრიდის "რეალი" დღეს სრული შემადგენლობით შეიკრიბა "ვალდებებასის" საწვრთნელ ბაზაზე და მორიგი სამწვრთნელო სესია გამართა...

სანაკრებო ბატალიების დასრულების შემდეგ გუნდმა სრული დატვირთვა მიიღო და კარლო ანჩელოტის მითითებები ზედმიწევნით შეასრულა. აღსანიშნავია, რომ დატვირთვა ვერ მიიღო ასიერ ილიარამენდიმ, რომელიც "ეიბართან" თამაშში მონაწილეობას ვერ მიიღებს, ისევე როგორც ლუკა მოდრიჩი, რომლის დაბრუნება თებერვლის მეორე ნახევარში იგეგმება.

კოლექტივთან ერთად იყო კასტილიელი მედრანი, რომელიც ახალგაზრდულ კლუბში ერთ-ერთი ყველაზე ეფექტური მოთამაშე გახლავთ.