ფლორენტინო პერესმა დღეს "მადრიდის რეალსა" და Microsoft--ს შორის გაფორმებული შეთანხმების პრეზენტაცია მოახდინა.

"დღეს ჩვენ საფუძველი ჩავუყარეთ ერთ-ერთ ყველაზე მყარ და ინოვაციურ პროექტს, რომელსაც ვახორციელებთ ციფრული ტექნოლოგიების გიგანტთან ერთად და რომელსაც შეუძლია თავისუფლად შეცვალოს "მადრიდის რეალსა" და მილიონობით გულშემატკივარს შორის არსებული ურთიერთობა. დღევანდელ ტექნოლოგიურად სწრაფად მზარდ სამყაროში აუცილებელია ფეხი ავუწყოთ მას და სწორედ ამ მიზნით დავუკავშირეთ მომავალი საქმიანობა ამ სფეროს ლიდერს"-აღნიშნა პრეზიდენტმა.

"ყველა ქვეყანაში, ყველა კონტინენტზე იქნება მილიონობით მადრიდისტა, რომლებიც იგრძნობენ , თუ როგორ იშლება საზღვრები, თუ რა ახლოს არიან ისინი ჩვენთან. ეს კლუბი ყოველთვის ისწრაფვის სრულყოფილებისკენ და არის სფეროები, სადაც ის მუდამ პირველი იყო. დღეს , სწორედ ამას ვამტკიცებთ და კიდევ ერთ სფეროში ვართ პირველები, ვინც ასეთ ნაბიჯს დგამს. არ უნდა ჩამოვრჩეთ დროს და კლუბი კიდევ უფრო უნდა გავაძლიეროთ"-დასძინა ფლორენტინომ.

"დიდი პატივია მსოფლიო ფეხბურთის ცენტრში მოხვედრა. მსოფლიოს სპორტის ლიდერებთან ერთად კიდევ ერთი ნაბიჯი გადავდით წინ. ერთად ჩვენ "მადრიდის რეალს" ვაქცევთ მოდელად, რომელიც მისაბაძი იქნება სპორტის ინდუსტრიის მესვეურთათვის. ამ ახალი ინოვაციური ციფრული პლატფორმის წყალობით, მომხმარებლებს ექნებათ საშუალება იყვნენ ჩვენი პარტნიორები, ჰქონდეთ ურთიერთობა ფეხბურთელებთან და ასევე იურთიერთონ სხვა მადრიდისტებთან"-აღნიშნა აიალამ, რომელიც ასევე ესწრებოდა პრეზენტაციას

წყარო: Realmadrid.com