დღეს გაიმართება ამხანაგური მატჩი ესპანეთსა და გერმანიას შორის. "ფურია როხას" მთავარმა მწვრთნელმა, ვისენტე დელ ბოსკემ მცირე კომენტარი გააკეთა.

"დღევანდელი მატჩისთვის ჩემი გუნდი სრულად მოემზადა. ეს იქნება ორი უდიდესი ნაკრების დაპირისპირება. ესპანეთი და გერმანია უკანასკნელი ორი მუნდიალის გამარჯვებულია და ბუნებრივია, რომ ეს შეხვედრა საჩემპიონო სახეს ატარებს. ჩვენ ყველაფერს გავაკეთებთ იმისთვის, რომ ესპანეთმა ძველი დიდება დაიბრუნოს."

"ნაკრები დატოვა ჩაბი ალონსომ, რომელიც წლების განმავლობაში ესპანეთის ერთ-ერთი წამყვანი ფიგურა იყო. მასზე ძალიან ბევრი რამ იყო დამოკიდებული და ვფიქრობ, ბასკი ფეხბურთელის ჩანაცვლებას ნაკრებში დიდი ხანი ვერავინ მოახერხებს."

"მართალია ალონსომ დაგვტოვა, თუმცა ჩვენ შემოგვიერთდა ისკო. ახალგაზრდა მადრიდელი უნიჭიერესია. იგი ძალიან ახალგაზრდაა, თუმცა მისმა ტალანტმა და შესაძლებლობებმა გამაოცა და მასზე სამომავლო პერსპექტივები მაქვს გათვლილი. ისკოს თამაშით კმაყოფილი ვარ და მინდა მას წარმატებებუ ვუსურო როგორც სანაკრებო, ასევე საკლუბო კარიერაში."

Defensacentral.com