იკერ კასილასი თავის ინტერვიუში რამდენიმე საინტერესო თემას შეეხო.

გერმანია: "სასიამოვნო იქნება გერმანელებთან შეხვედრა. ფანები ყოველთვის ჩვენს გვერდით არიან და იმედია ახლაც ასე იქნება. ხვალ გასული 2 მსოფლიო ჩემპიონატის გამარჯვებული დაუპირისპირდება ერთმანეთს. ძნელია ამაზე კარგი თამაშის ხილვა."

გერმანელი ფეხბურთელები: "მე ტომას მიულერს გამოვარჩევდი. იგი რაულს მაგონებს. მას აქვს ისეთი რამ, რითაც სხვებისგან გამოირჩევა."

ბალაიდოსი: "ეს იქნება გასაოცარი. სელტას ფანები ძალიან ლოიალურები არიან და იმედი მაქვს ხვალაც ასე იქნება."

ისკო: "ისკო სენსაციური ფეხბურთელია. იგი დღითიდღე პროგრესირებს."

ტიტულები: "ამის დროც მოვა. ჩვენ აუცილებლად ვეცდებით ძველი დიდების დაბრუნებას."

კარიერის დასრულება: "მე გავაგრძელებ კარიერას მანამ, სანამ გუნდს და მწვრთნელს დავჭირდები და შევეცდები კარის მშრალად შენახვას."