ინგლისურ პრესაში გავრცელებული ინფორმაციების მიხედვით, გერმანული "დორტმუნდის" ხელმძღვანელობამ ეროვნული ნაკრებისა და საკუთარი კოლექტივის ერთ-ერთ საუკეთესო ცენტრალურ მცველს ფასი დაადო...

The SuN-ის ინფორმაციით "ბორუსია" მზად არის მატს 60 მილიონი ევროს სანაცვლოდ შეელიოს. ფეხბურთელის შეძენაზე არაერთ გრანდს გამოუთქვამს პრეტენზია, თუმცა ყოველთვის, ყველაზე მეტად ლონდონის "არსენალის" მთავარი მწვრთნელი, არსენ ვენგერი აქტიურობდა.

შარშან დორტმუნდელებს შეთავაზება ფლორენტინო პერესმაც გაუკეთა, რომელიც 42 მილიონ ევროს შეადგენდა, მაგრამ გერმანელებმა ცივი უარით გაისტუმრეს დედაქალაქელთა პრეზიდენტი.

ახლა კი მსურველებს ეცოდინებათ, თუ რა თანხის სანაცვლოდ შეეძლებათ მოთამაშის დამატება, აქედან გამომდინარე ზამთრის ან ზაფხულის სატრანსფერო ფანჯრის დროს გრანდებს შორის დიდი კონკურენცია გამოცხვება.