კარლო ანჩელოტიმ ერთ-ერთ ინტერვიუში ტონი კროოსზე ძალიან თბილად ისაუბრა და აგრეთვე განაცხადა, რომ გერმანელმა ნახევარმცველმა ჩაბი ალონსოს შეცვლა მოახერხა.

"ტონი მაოცებს, რადგან ნერვული პანიკა არასდროს ემართება. მნიშვნელობა არ აქვს მასზე პრესინგი მიდის თუ არა, იგი ყოველთვის მაღალ დონეზე თამაშობს. კროოსი ძალიან მნიშვნელოვანი ფიგურაა ჩემს გუნდში. მასზე ბევრი ფეხბურთელია დამოკიდებული. კროოსს აქვს ზუსტი პასი, არასდროს კარგავს ბურთს და ხშირად ახერხებს მოწინააღმდეგის განეიტრალებას ნახევარ დაცვაში. ამ დადებით თვისებებთან ერთად აღსანიშნავია, რომ იგი ჯერ ძალიან ახალგაზრდაა." - განაცხადა კარლო ანჩელოტიმ.

რამდენიმე დღის წინ მარკამ კროოს "ჰარი პოტერი" შეარქვა, რადგან მას პრაქტიკულად ყველაფერი გამოსდის მინდორზე. ამის შემდეგ, ტონიმ თავისი "ტვიტერის" ოფიციალურ გვერდზე შემდეგი პოსტი გამოაქვეყნა: "@marca ფიქრობთ, რომ სათვალეები მომიხდება? დიდი მადლობა @marca-ს და @MrAncelotti-ს კომპლიმენტებისთვის"

Marca.com