მორიენტესი : "დარწმუნებული ვარ, "რეალი" მორატას დაბრუნებაზე ფიქრობს"
ფერნანდო მორიენტესმა ალვარო მორატას ბრწყინვალე თამაშთან დაკავშირებით ისაუბრა და განაცხადა, რომ მომდევნი სეზონში კვლავაც "ბლანკოსის" ფეხბურთელად მოგვევლინება...
"აშკარა და თვალნათლივია, რომ ალვარო მორატა უდიდეს პროგრესს განიცდის და იტალიის სერია "ა"-ში ძალიან ეფექტურ ფეხბურთს გვთავაზობს. დარწმუნებული ვარ მადრიდული გიგანტის ხელმძღვანელობა უკვე ფიქრობს კანტერანოს დაბრუნებაზე."
"ვგონებ, მორატას მიზანი სწორედ "რეალში" დაბრუნება და ამ კლუბთან ერთად უამრავი წარმატების მიღწევაა. ის გულით მადრიდისტა გახლავთ, რომელმაც სამეფო კლუბის არაერთი ასაკობრივი ჯგუფი გამოიარა."
"კარლო ანჩელოტის ბრწყინვალე შეტევა ჰყავს, თუმცა მორატას დამატება ურიგო ნამდვილად არ იქნება. ალვარო შესანიშნავ კონდიციაში იმყოფება და წინსვლას განაგრძობს. დარწმუნებული ვარ, სეზონის ბოლოს მას მინიმუმ 15 გოლი ექნება გატანილი."
- 10 ნოემბერი 2014
- 1 825
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
