ინგლისური საინფორმაციო წყაროები, საკმდოდ საინტერესო ინფორმაციას გვაწვდიან, რომლის მიხედვითაც, ლონდონის "არსენალმა" შესაძლოა არსენ ვენგერს კარისკენ მიუთითოს და მთავარი მწვრთნელის პოსტი მადრიდის "რეალის" ერთ-ერთ მწვრთნელს შესთავაზოს...

არსენ ვენგერმა ვერა და ვერ მოახერხა ლონდონელთა მოწოდების სიმაღლეზე დაყენება. რამდენიმე წლის წინ ფრანგის წარუმატებლობას შემადგენლობის არყოლასაბრალებდნენ, თუმცა ამ ეტაპზე "მეთოფეებს" საკმაოდ რესურსი აქვთ იმისათვის, რომ მინიმუმ პრემიერლიგის მოსაგებად იბრძოლონ.

ფრანგი სპეციალისტის კვალიფიკაციაში ეჭვი არავის შეაქვს, თუმცა დედაქალაქში უკვე ფიქრობენ, რომ კლუბს სიახლე სჭირდება და ვენგერმა საკუთარი თავი უკვე ამოწურა.

ლონდონელებმა გეზი მადრიდისკენ აიღეს. კონკრეტულად, მათ კლემენტეს წაყვანა სურთ, რომელიც "რეალის" მთავარი მწვრთნელის, კარლო ანჩელოტის თანაშემწე გახლავთ. მას გასულ ზაფხულ შემოთავაზება რამდენიმე ინგლისური კლუბისგან ჰქონდა, ყველაზე მეტად აქტიურობას "ვესტ ბრომვიჩელები" იჩენდნენ, თუმცა კარლოსთან კონსულტაციების შემდეგ დამხმარემ დარჩენა გადაწყვიტა.

პოლისთვის "არსენალი" საკმაოდ სერიოზული გამოწვევა იქნება, თუმცა რამდენად მარტივად შეელევა ინგლისური კლუბი არსენ ვენგერს მეორე საკითხი გახლავთ."