მადრიდის "რეალის" ყოფილმა მთავარმა მწვრთნელმა, ფაბიო კაპელომ, თავის კოლეგაზე ისაუბრა.

"ახლანდელი ფორმაციის "რეალი" სანახაობრივ ფეხბურთს თამაშობს და ვფიქრობ, ყველა ტურნირის მოგებას შეძლებს. გუნდს აქვს საკმაოდ ძლიერი რესურსები, რომელიც სეზონის ბოლომდე ეყოფა ანჩელოტის."

"კარლიტომ ისკოსთვის დიდებული პოზიცია შეარჩია. ახალგაზრდა ესპანელმა თავი გამოაჩინა და ყოველ მატჩში ნიჭის დემონსტრირებას ახდენს. ჩემი აზრით, ის დღეს-დღეობით ერთ-ერთი საუკეთესოა "მერენგების" რიგებში."

"კარლო ანჩელოტი ნამდვილი პროფესიონალია.იტალიელი ყოველთვის ტოპ-რეიტინგული მწვრთნელი იყო და არის კიდეც. მისი გუნდი სულ საუკეთესოსკენ ისწრაფვის და დარწმუნებული ვარ, "თეთრები" მასთან ერთად კვლავ მიაღწევენ უდიდეს წარმატებას.ჩემი აზრით, ანჩელოტი "რეალისთვის" იდეალური მწვრთნელია."

"განსაკუთრებით საინტერესო და სანახაობრივი გამოდგა კატალონიელების წინააღმდეგ დაპირისპირება. ლუის ენრიკეს გუნდის შენებაში საკმაოდ სოლიდური თანხა დაიხარჯა. ვგულისხმობ ლუის სუარესს, რომლის სანაცვლოდაც კლუბმა 90 მილიონამდე ევრო გადაიხადა. ყველა ელოდა "ბარსელონას" გაბრწყინებას და პირველი წუთებიდან ასეც ჩანდა, თუმცა ანჩელოტიმ თავისი პროფესიონალიზმი კიდევ ერთხელ დაამტკიცა და მოწინააღმდეგე 3-1 დაამარცხა."

Bernabeudigital.com