მოგეხსენებათ, დანიელ კარვახალმა დაზიანება მიიღო, რის გამოც კარლო ანჩელოტის თამაშის პირველივე ტაიმში მოუწია მისი ალვარო არბელოათი ჩანაცვლება...

"ლივერპულთან" მატჩისთვის დანიელი განაცხადს მიღმა დარჩა, რადგან მარცხენა ფეხი აქვს დაზიანებული. ხვალ სასტარტო შემადგენლობაში ალვარო არბელოა მოგვევლინება.

ეს ყველაფერი არ არის, რადგან მადრიდის "რეალს" ახალგაზრდა მარჯვენა მცველი ვერც ლა ლიგის მე-12 ტურში დაეხმარება, სადაც კარლოს კოლექტივი საშინაო არენაზე "რაიო ვალეკანოს" მიიღებს.

მე-12 ტურის შემდეგ ლა ლიგა პაუზას იღებს, რადგან სანაკრებო ბატალიები იწყება. ეროვნული ნაკრებებიდან დაბრუნების შემდეგ სამეფო კლუბის ფეხბურთელები "ეიბართან" გაარკვევენ ურთიერთობას. ეს დაპირისპირება 22 ნოემბერს შედგება და შესაძლოა დანი საქმეში ვიხილოთ.

ასევე არსებობს რისკი იმისა, რომ კარვახალი ვისენტე დელ ბოსკეს ნაკრებსაც ვერ დაეხმაროს. "ფურია როხას" ორი პაექრობის გამართვა მოუწევს. ევროპის ჩემპიონატის საკვალიფიკაციო ეტაპზე "ბელორუსიასთან" და ამხანაგური პაექრობა "გერმანიის" ეროვნულ გუნდთან.